اسلامی معیشت واقتصاد کے عنوان پر قائم ہونے والے بین الاقوامی سیمینارز،کانفرنسز اور فقہ اسلامی کمیٹیز بین الاقوامی کانفرنسز ، فقہ کمیٹیز

عالم اسلام میں بیداری کی لہر نے ایک طرح سے مسلمانوں کی توجہ اس جانب مبذول کرائی ہے کہ وہ عالمِ حاضر میں پیدا ہونے والی نت نئی تبدیلیوں سے متعلق سوچیں اور ان مسائل میں شرعی حکم تلاش کریں ۔ معیشت واقتصاد بھی ایسا مسئلہ ہے جس میں بہت سے نئے مسائل پیدا ہوچکے ہیں ۔ اور ہو رہے ہیں جو حل کے طالب ہیں ۔

لہٰذا معیشت واقتصاد کے جدید مسائل کی گھتی سلجھانے کیلئے اہل علم نے انفرادی ، اجتماعی اور بین الاقوامی سطح پر کاوشیں کی ہیں جس کے خاطر خواہ نتائج بھی برآمد ہوئے ہیں ۔ ان کا بیان احوال کچھ یوں ہے ۔

اقتصادومعیشت پر ہونے والے عالمی سیمینارز

جدید مسائل پر تحقیقات کیلئے قائم اسلامی فقہ اکیڈمیز

رابطہ عالم اسلامی کے تحت قائم ہونے والی مجمع الفقہ الاسلامی جدہ ( اسلامی فقہ اکیڈمی جدہ )جو 1386ھمیں قائم ہوئی اور اپنا کام جاری رکھے ہوئے ہے معاشی ، معاشرتی ، اقتصادی ودیگر اہم موضوعات پر متعدد سیمینارز منعقد کراچکی ہے ۔

اس کے علاوہ مختلف یونیورسٹیز کے تحت مختلف سیمینارز کا انعقاد ہوا جن کی تفصیل کچھ یوں ہے ۔

جامعہ ملک عبد العزیز جدہ کے تحت :(الإستثمار والتمويل)کے عنوان پر 1401ھ میں سیمینار منعقد ہوا ۔

برکہ بینک کے تحت اسطنبول میں اور مدینہ منورہ میں 1400ھ میں دو سیمینار منعقد کئے گئے ۔

بینک اسلامی کے تحت (ندوة الاوراق المالية الاسلامية) کے عنوا ن کے تحت 1407ھ میں جدہ میں سیمینار منعقد ہوا ۔

بینک فیصل اسلامی کے تحت 1404ھ میں (البنوک الإسلامية ودورهافي التنميةالإقتصاديةوالإجتماعية ) کے عنوان سے سیمینار منعقد ہوا ۔

مخصوص میگزینز

مجلة البنوک الاسلامية یہ مجلہ International Union of Islamic Banks کے تحت شائع ہوتا ہے ۔

مجلۃ النور : جوکہ Kuwait Finance House کی جانب سے جاری کیا جاتا ہے ۔

*مجلۃ الاقتصاد اسلامی یہ بینک دبئی اسلامی کی جانب سے جاری ہوتا ہے ۔

مجلۃ البحوث الاسلامہ : یہ مجلہ ادارہ عامہ للبحوث والافتاء والدعوۃ والارشاد سعودی عرب ۔

*صلی اللّٰہ و سلم علی نبینا محمد و علی آلہ وصحبہ أجمعین