کلمہ توحید کی فضیلت

اللہ کے رسول ﷺ کے فرمان کے مطابق جس شخص کی موت کلمہ توحید یعنی لا الٰہ الا اللہ پر ہو اور اُسے اِس کی معرفت بھی ہو تو وہ جنتی ہے۔
توحیدِ باری تعالیٰ انسان کی پیدائش سے لے کر موت تک زندگی کے ہر حصے میں شامل ہے۔ اسی لیے توحید کے بغیر کوئی بھی عبادت قابلِ قبول نہیں۔ جس طرح پیدائش سے ہی شیطان کسی انسان کے ساتھ لگ جاتا ہے اسی طرح موت کے وقت بھی وہ اسے بہکانے کی کوشش کرتا ہے۔
ننانوے گناہوں کے رجسٹر کے مقابلہ میں ایک کلمہ توحید بھاری پڑگیا۔
جس کی زبان پر مرتے دم کلمہ جاری ہوا اس کا ٹھکانا صرف جنت ہے۔
کلمہ صرف زبان سے پڑھنا کافی نہیں بلکہ اس کے تقاضوں کا علم حاصل کرنا ضروری ہے۔

فضیلۃ الشیخ علامہ عبد اللہ ناصر رحمانی حفظہ اللہ

آپ کا شمار پاکستان کے نامور علماء میں ہوتا ہے ، آپ کو اللہ تعالیٰ نے بے شمار خداداد صلاحیتوں سے نوازا ہے ، آپ ایک داعی ، مبلغ ، مصنف ، مدرس ہونےکے ساتھ ساتھ ایک معروف مقرر و خطیب بھی ہیں ۔ 28 دسمبر 1958ء کو کراچی میں پیدا ہوئے ۔ کراچی کے معروف ادارے جامعہ دارالحدیث رحمانیہ سولجر بازار کراچی سے علوم اسلامیہ کی سند حاصل کرنے کے بعد جامعہ محمد بن سعود الریاض سے حدیث و علوم حدیث میں بکالوریس کی سند حاصل کی ۔ آپ اس وقت جمعیت اہلحدیث سندھ کے امیر ، المعہد السلفی للتعلیم والتربیہ کراچی کے رئیس ، المدینہ اسلامک ریسرچ سینٹر اور البروج انسٹیٹیوٹ کے سرپرست اعلیٰ ہیں۔ آپ متعدد کتب کے مصنف بھی ہیں۔