قربانی کےجانورمیں عقیقہ کا حصہ

قربانی کے ایام ہیں بہت سارے لوگ ایک یہ سوال بھی کرتے ہیں کہ:

 کیا عقیقہ کو قربانی میں جمع کیا جا سکتا ہے؟ مثلاََ: ایک گائیں لے لی جائے اور اس گائیں کے سات  حصے ہیں تو دو تین چار عقیقے کے ہو جائیں، ایک دو قربانی کے ہو جائیں اس طریقے سے ملا جلا کر ایک جانور کے اندر عقیقہ اور قربانی ایک ہی جانور کے اندر اکھٹے ہو سکتے ہیں یہ دو کام جو ایک ساتھ ادا ہو سکتے ہیں؟

 دیکھیں! ایک بات یاد رکھیں کہ کچھ چیزوں میں شریعت کی طرف سے کچھ عبادتوں کو ملانے کی اجازت موجود ہے جب وہ ایک ہی نوعیت کی عبادت ہوں یعنی مثال کے طور پر آپ مسجد میں آئے، آپ نے تحیۃ المسجد پڑھنی تھی، وقت کم تھا، آپ نے سنتیں ادا کر لی ہیں، فرائض میں فرض جماعت ہو رہی تھی آپ شامل ہو گئے۔ اب آپ نے فرض ادا کر لی تو وہ جو مسجد میں بیٹھنے کے نفل تو خود بخود اس کے اندر داخل ہوگئی کہ آپ کا اصل مقصود تھا کہ مسجد میں بیٹھنے سے پہلے آپ نماز ادا کر لیں آپ  نے تحیۃ  المسجد علیحدہ سے ادا کی لیکن دو عبادتیں مخصوص انداز میں مخصوص وقت کے ساتھ مخصوص طریقے کے ساتھ مخصوص وجوہات کی بنیاد پر رکھی گئی ہیں۔

 عقیقہ بچے کی ولادت کے ساتھ ہے۔ قربانی عید کے موقع پر ہے۔ قربانی کے لیے شرائط ہیں، عقیقہ کے لیے وہ شرائط صراحت کے ساتھ احادیث میں مذکور نہیں ہے اِس کا وقت اور ہے، اُس کا وقت اور ہے، اِس کا انداز اور ہے، اُس کا انداز اور ہے، یہ الگ فریضہ ہے، یہ الگ فریضہ ہے۔

 اب میں چاہوں کہ میں ظہر کی چار رکعات فرض پڑھوں اور اس میں ظہر کی چار رکعات سنت کی بھی نیت کرلوں اور میں کہوں سنتیں بھی ظہر کی اس کے ساتھ ہی ہو گئی تو ایسا نہیں ہے یا میں نے فجر کی دو رکعات پڑھی ہو اورغلطی سے چار رکعات پڑھ لی تو میں کہوں دو فرض کی میں شمار کر لوں اور دو سنت بھی شمار کر لوں اس طریقے سے عبادتوں کو پھر جمع یا تشریق فی النیۃ جس کو کہا جاتا ہے وہ اس انداز میں نہیں ہوتی۔ یہ عقیقہ علیحدہ سے پوری ایک مستقل عبادت ہے۔ قربانی ایک  علیحدہ  مستقل عبادت ہے۔ ان دونوں کو جمع کرنے کے لئے شریعت کی طرف سے کہیں کوئی اشارہ موجود نہیں ہے کہ ایک ہی ساتھ آپ اس کو ملا لیجیے، ایک ہی جانور میں ملا لیجیے۔ اس کے لئے  علیحدہ موقع ہے،  علیحدہ  نیت ہے،  علیحدہ اس کے ضوابط ہیں، یہ ایک  علیحدہ عبادت ہے، دونوں عبادتوں کو  علیحدہ  کیا جائے اگر جمع کی کسی کے پاس کوئی دلیل ہے تو وہ پیش کی جائے اگر دلیل نہیں ہے تو اس انداز سے اس مسئلے کو تدخل اور اس انداز سے پیچیدہ نہ کیا جائے۔ یہ (عقیقہ) الگ عبادت ہے اور یہ (قربانی) الگ عبادت ہے دونوں کو  علیحدہ  علیحدہ  ہی کر کے کیا جائے۔ ان شاءاللہ