نماز مومن کی شناخت!

حضرت عمر بن خطابؓ نماز کے لیے تشریف لائے، صفوں کو درست کیا، اور نماز شروع کی۔ دورانِ نماز ایک ظالم نے آپ پر حملہ کیا، آپ زخمی ہو کر بے ہوش ہو گئے۔ جب ہوش آیا تو سب سے پہلا سوال یہی کیا:
“کیا لوگوں نے نماز پڑھ لی؟”

یہ ہے نماز کی اہمیت!
جو شخص نماز چھوڑ دے، اس کا اسلام سے کوئی تعلق نہیں۔
رسول اللہ ﷺ جب دنیا سے رخصت ہو رہے تھے تو آخری نصیحت یہی فرمائی:
“الصلاةَ الصلاةَ” — نماز، نماز!

نماز مومن کا سہارا، برائیوں سے بچاؤ، اور دلوں کا سکون ہے۔

فضیلۃ الشیخ ابو ابراہیم محمد ندیم حفظہ اللہ

آپ کے والد بھی بڑے عالم دین تھے اور آپ کا شمار بھی ممتاز علماء کرام میں ہوتا ہے ، جامعہ سلفیہ فیصل آباد سے علوم اسلامیہ کی تعلیم مکمل کی ، اور جامعہ سلفیہ سے پہلے دو طلبہ جن کا داخلہ جامعہ اسلامیہ مدینہ منورہ میں ہوا ، ان میں سے ایک فضیلۃ الشیخ حافظ مسعود عالم صاحب ہیں ، واپس آکر جامعہ سلفیہ فیصل آباد سے سلسلہ تدریس کا آغاز کیا اور کافی عرصہ تک مدیر التعلیم بھی رہے ، پھر جامعہ ابی بکر الاسلامیہ کراچی میں تدریس کے لیے آگئے بعد ازاں دوبارہ جامعہ سلفیہ فیصل آباد میں تدریس کے لیے چلے گئے تاحال یہ سلسلہ جاری ہے۔