بنك
ایسے مالیاتی ادارے کو کہا جاتا ہے جو اپنے صارفین سے جمع شدہ رقوم سے تاجروں ،ضرورت مندوں کو قرض فراہم کرتا ہے اور اس پر سود وصول کرتا ہےاور اپنے کھاتے داروں کو وصول کردہ سود سے کم ادا کرتا ہے ،ادائیگی ِسود کا یہی درمیانی فرق بینک کا منافع ہوتا ہے۔
المصرف الإسلامي أو البنك الإسلامي
ایسا مالیاتی ادارہ جو اپنے معاملات شریعتِ اسلامی کے مطابق انجام دے ،یعنی شرعی احکام کی پاسداری کرے اور حرام امور سے اجتناب کرے۔
دَينٌ
کسی کی طلب پر اسے مال دینا تاکہ وہ فائدہ اٹھانے کے بعد اسی مقدار میں واپس لوٹا دے۔
الربا
ایک فریق کی جانب سے دوسرے فریق کے لئے وقت ادائیگی مخصوص اضافہ جو بغیر کسی عوض ہو۔
سود کی بنیادی طور پر دو اقسام ہیں : (۱) قرض کا سود ۔ (۲) تجارت کا سود۔
1 قرض کا سود یہ ہے کہ ایک شخص کسی کو ادھار دے کر زیادہ طلب کرے۔
2 تجارتی سودکی مزیددو اقسام ہیں:
(1) زیادتی کا سود
(ربا الفضل)
(2) ادھار کا سود
(ربا النسیئه)
(1)زیادتی کا سود یہ ہے کہ وہ مخصوص اجناس جنہیں شرعی اصطلاح میں ’’سودی اجناس ‘‘ کہتے ہیں میں سے ایک ہی جنس کا تبادلہ کرتے وقت اضافہ کردینا، جیسے مثال کے طور پر :
پانچ تولہ سونا (سکہ کی صورت میں)= چار تولہ سونے کا سیٹ۔
(2)ادھار کا سود : سودی اجناس کا آپس میں تبادلہ کرتے وقت ادھار کرلینا ، جیسے مثال کے طور پر : ایک من گندم = ایک من گندل ایک مہینہ بعد۔
الحساب الجاري
جاری کھاتہ بینک اور صارف کے درمیان لین دین کے ایک معاہدے کانام ہےجو صارف کے بینک میں رقم بطورحفاظت اور بوقت ِضرورت نکلوانے کی غرض سےجمع کرانے پر شروع ہوتا ہے۔صارف پر رقم نکلوانے کے حوالہ سے کوئی پابندی نہیں ہوتی، مزید بر آں اکاونٹ میں رکھی جانے والی رقم پر کسی قسم کا سود اور منافع اد انہیں کیا جاتا۔
المضاربة:
مضاربہ ایسے معاہدے کا نام ہے جس میں سرمایہ کار جسے “ربُّ المال” کہا جاتا ہے وہ عامل جسے
مضارب کہتے ہیں کومال مہیا کرتا ہے، مضارب اس مال سے تجارت کرتا ہے اور منافع میں دونوں متفقہ تناسب سے شریک ہوتے ہیں،نقصان کی صورت میں مالی خسارہ رب المال کاہوتا ہےعامل پر کوئی مالی ذمہ داری نہیں ہوتی البتہ اس کی طرف سے کوتاہی کی صورت میں اسے مالی خسارہ میں شامل ہونا پڑے گا۔اسلامی بینک بعض صورتوں میں مضارب ہوتا ہے، بعض صورتوں میں عامل۔
المشاركة:
ایسا مشترکہ کاروبار جس کے تمام شرکاء نفع میں متفقہ تناسب سےحصہ دار ہوں،اور نقصان میں شراکت داری کے تناسب سے حصہ دار ہوں۔اسلامی بینکوں میں مشارکہ کی بنیاد پر Cirtifalesدئیے جاتے ہیں
حساب التوفير:
اس میں ماہانہ یا طے شدہ میعاد پر رقم جمع کرائی جا سکتی ہےاورانہی طے شدہ بنیادوں پر منافع بھی دیا جاتا ہے،اس کھاتے سےرقم نکلوانے پر عموماً مختلف پابندیاں ہوتی ہیں۔اسلامی بینکوں میں بچت کھاتہ مضاربہ کی بنیاد پر کھولا جاتا ہے۔
ودائع الثابتة :
اس کھاتہ میں مدت طے کی جاتی ہےاوراس میں مقررہ مدت سے پہلےرقم واپس نہیں لی جا سکتی اس کھاتے میں منافع کی شرح مدت کے حساب سے طے کی جاتی ہے اور طے شدہ مدت پر ہی بینک منافع اداکرتا ہے۔
إستثمار:
کسی بھی قسم کے کاروبار میں منافع حاصل کرنے کی نیت سے پیسہ لگانا ،مثلاً مضاربہ، مشارکہ وغیرہ۔
التمويل:
روز مرہ کاروباری ضروریات کیلئے قرضے جاری کرنا۔اسلامی بینکوں میں یہ سرمایہ کاری مرابحہ، اجارہ، مشارکہ، متناقصہ، سلم اور استصناع کی بنیاد پر کی جاتی ہے۔
المرابحة:
اصل قیمت پر متعین منافع کے ساتھ خریدار کو آگاہ کر کے فروخت کرنا۔
الإجارة:
اجارہ سے مراد ایسا معاہد ہ ہے جس میں ایک متعین چیز یا اس کے مخصوص فائدہ کو ایک مقررہ مدت تک کسی معلوم عوض کے بدلہ دیا جائے ، یا کسی عمل کے بدلہ اجرت دی جائے۔
استئجار :
مختلف اشیاء کو کرایہ پر دینا،جیسے آٹو لیزنگ میں گاڑی وغیرہ کرائے پر دی جاتی ہے۔
الإجارة المنتهية بالتمليک
المشاركة المتناقصة
ایسی کاروباری شراکت جس میں ایک شریک دوسرے کو اپنا حصہ وقفے وقفے سے فروخت کرتا رہے اور آخر میں خریدار مکمل اثاثے کا مالک بن جائے۔
التوّرق
آدمی کوئی چیز ادھار خریدے اور پھر کسی اور کو کم قیمت پر نقداًفروخت کر دے تاکہ نقد رقم حاصل کرسکے۔
سلم , سلف
خرید وفروخت کی وہ قسم جس میں قیمت تو نقد ادا کر دی جائے مگر فروخت کی جانے والی چیز ایک مدت معینہ کے بعد مہیا کی جائے۔
إستصناع:
آرڈر پر کوئی چیز تیار کرانا۔
اس دستاویز کو کہا جاتا ہے جو درآمد کنندہ Importer کا بینک برآمد کنندہ Exporter کے بینک کو جاری کرتا ہے اس میں بینک برآمد کنندہ کو یقین دلاتا ہے کہ وہ درآمد کنندہ کے نام جو بل جاری کرے گا اسکی ادائیگی کر دی جائے گی پھر درآمد کنندہ سے سود سمیت وصول کرتا ہے۔
حوالة:
اس دستاویز کو کہا جاتا ہے جس میں فروخت کنندہ یا قرض خواہ خریدار یا مقروض سے کہتا ہے کہ رقم اسے یا کسی اور معین شخص کو ادا کر دے۔
السحب:
ایک شخص (Drawer )دوسرے مخصوص شخص یا ادارے (Drawee)کو پابند کرے کہ وہ (Beneficiary)مخصوص شخص یا ادارےکو رقم ادا کرے۔
شيك :
اس دستاویز کو کہا جاتا ہے جسے کھاتہ دار بینک سے رقم نکلوانے کے لئے استعمال کرتاہے۔
بطاقة الإعتماد :
قرض اور اعتماد کا مخصوص کارڈ جو کسی بینک کی طرف سے کسی مخصوص شخص کے نام اسکے مطالبے پرجاری کیا جاتا ہے جس سے وہ ضروریات کیلئے کچھ خرید سکے یا نقد رقم حاصل کر سکے۔
بطاقة الحسم الفوري :
ایسا کارڈ جسے بینک اپنے کھاتہ دار کی سہولت کیلئے فراہمکرتا ہے تاکہ وہ اپنے کھاتہ میں موجود رقم سے کچھ خرید سکے یا نقد رقم حاصل کر سکے۔
تأمين:
ایسا معاملہ جس میں کوئی شخص یا ادارہ اپنے صارف کو یہ ضمانت دے کہ مستقبل میں پیش آنے والے ممکنہ خطرات کے نقصان کی تلافی کرے گا۔
الصفقة:
قیمتوں کو پیسوں کے بدلے ادا کرنا ،یا کسی تجارتی ادارے کی مالیاتی سرگرمیاں وغیرہ۔
وصلی اللّٰہ و سلم علی نبینا محمد و علی آلہ وصحبہ أجمعین
لیلۃ القدر میں قرآن مجید مکمل نازل ہونے کے ساتھ دوسرا اہم کام کیا ہوا؟…
عبادت کے حوالے سے قرآن مجید کی کیا نصیحت ہے؟ کیا چھٹیوں کے دن آرام…
عید کی خوشی کیسے منائیں؟ عید کا چاند دیکھ کر نبی کریم ﷺ کیا کرتے…
کیا فیشن اختیار کرنے میں ہم آزاد ہیں؟ زینت، خوبصورتی یا فیشن اختیار کرنا شرعا…
غزہ کی حالیہ صورتحال کس قرآنی آیت کی عکاسی کرتی ہے؟ رمضان المبارک میں اہلِ…
رمضان المبارک میں نبی کریم ﷺ کی عبادت کیسی ہوتی تھی؟ نبی کریم ﷺ کا…